CAIER менен биргеликте өткөн Ишкердик ишембиликтин жыйынтыктары

18-октябрда Кыргыз Республикасынын Көз карандысыз директорлор палатасы Борбор Азия экологиялык изилдөөлөр институту (CAIER) менен биргеликте Ишкердик ишембилик өткөрдү. Иш-чарага корпоративдик сектордун өкүлдөрү, ишкерлер жана эксперттер катышып, компаниялардын стратегиялык башкаруусуна туруктуу өнүгүү принциптерин киргизүү маселелерин талкуулашты.

Катышуучулар ESG тармагындагы эл аралык жөнгө салуу тенденцияларын, туруктуу бизнес-моделдерди калыптандыруу ыкмаларын, ошондой эле компаниялардын стратегиялык максаттары менен операциондук ишмердүүлүгүнүн ортосундагы балансты талкуулашты.

👥 Спикерлер:

▪️ Асель Тасмагамбетова — эколог, ишкер, «Саби» фондунун жана CAIERдин негиздөөчүсү. Жеке секторго экологиялык демилгелерди киргизүү тажрыйбасы менен бөлүштү;

▪️ Ляззат Кайбалдиева — CAIERдин ESG-консалтинг багытынын жетекчиси, GRI эксперти. Туруктуу өнүгүү маданиятын калыптандыруудагы заманбап отчеттуулук стандарттары жана билим берүүнүн ролу тууралуу айтып берди;

▪️ Дмитрий Метелев — CAIERдин эл аралык операциялар боюнча директору, башкаруучулук консалтинг эксперти. Корпоративдик башкарууга туруктуу практикаларды интеграциялоонун маанилүүлүгүн белгиледи.

Катышуучулар корпоративдик туруктуулук маселелери бүгүнкү күндө компаниянын имиджинин бир бөлүгү гана эмес, узак мөөнөттүү өнүгүү жана инвестициялык жагымдуулук үчүн зарыл шарт экенин белгилешти.

Палатанын Деловой ишембиликтери Кыргызстанда корпоративдик башкаруу жаатындагы тажрыйба алмашуу жана кесиптик өнүгүү үчүн маанилүү аянтча катары өзүн көрсөтүп келет. Кийинки жолугушуулар компаниялардагы ачык-айкындуулук, жоопкерчилик жана стратегиялык лидерлик маселелерине арналат.