«Корпоративдик катчы» сертификациялык программасынын үчүнчү модулу өттү

«Корпоративдик катчы» программасынын 3-модулу — финансист эмес менеджерлер үчүн финансы — ийгиликтүү аяктады.

Модулдун алкагында төмөнкү темалар каралды:

▪️ финансылык отчеттуулуктун негиздери жана эсепке алуу стандарттары;

▪️ финансылык отчеттуулуктун кызыкдар тараптар үчүн ачык-айкындуулукту камсыз кылуудагы ролу;

▪️ анын рыноктук баалоого жана инвесторлордун кабыл алуусуна тийгизген таасири;

▪️ башкаруучулук эсептин негиздери;

▪️ отчеттуулукту талдоонун принциптери;

▪️ ESG боюнча киришүү жана ESG факторлорунун финансылык жана башкаруучулук отчеттуулукта чагылдырылышы;

▪️ эл аралык стандарттар жана алардын корпоративдик башкаруу менен байланышы.

Тренер:

Венера Абдраимова — корпоративдик башкаруу жана тобокелдиктерди башкаруу боюнча эксперт, «Элдик Банк» ААКсынын Директорлор кеңешинин, Аудит жана тобокелдиктер боюнча комитетинин мүчөсү, Кыргыз Республикасынын Көз карандысыз директорлор палатасынын анык мүчөсү.